Tenishia mal-aqwa DJs tad-dinja f'Londra

Id-DJ ferm popolari Malti Tenishia se jkun qed jingħaqad ma' wħud mill-aqwa DJs barranin fit-'Top 100 DJ Party' fl-Akkademja ta' Brixton O2 f'Londra f'party organizzat fit-22 ta' Ottubru. Dan huwa wieħed mill-postijiet prinċipali fejn jkunu organizzati parties ta' dan it-tip fin-nofsinhar tal-belt Ingliża u l-party se jkun qed jittella minn DJ Mag.  

Apparti l-Malti Tenishia, fost id-DJs li se jkunu qed idoqqu f'dan il-party hemm Armin Van Buuren, Ferry Corsten u Markus Shultz. Bħalissa Tenishia qed idur diversi pajjiżi fejn qed idoqq f'parties differenti, fosthom f'Bali, Hong Kong, Shangai u Beijing.