Għawdex:- Niċċa għat-Turiżmu Reliġjuż
Inizjattiva Fidi u Tradizzjoni
Waqt konferenza tal-aħbarijiet Il-Ministru għal Għawdex Anton Refalo feraħ u rringrazzja lill-organizzaturi tal-Imsallab fiTriqatna għal dan il-kontribut li qegħdin jaghtu biex jgħollu isem Għawdex. “Dan il-proġett irnexxa għaliex sar mill-bidu bil-galbu u b’mod professjonali. Dawn flimkien mal-entuzjazmu huma ingredjenti important biex attivita’tirnexxi. U għas-sena d-dieħla d-dramm se jkun esportat ‘l barra minn xtutna.”
Dan stqarru l-Ministru għal Għawdex Anton Refalo meta dalgħodu fil-Muzew ta’ Karmni Grima fl-Għarb ingħataw dettalji dwar l-Imsallab fi Triqatna u l-Via Crucis Nazzjonali mmexxija mill-Isqof Mario Grech fuq l-għolja ta’ Għammar fil-kumpless tas-Santwarju Nazzjonali Ta’ Pinu u dawn bħala parti mill-Inizjattiva Għawdex – Fidi u Tradizzjoni.
Ir-rettur tas-Santwarju Nazzjonali Ta’ Pinu Fr Gerald Buhagiar ħabbar li l-ViaCrucis Nazzjonali fuq l-Għolja ta’Għammar se ssir nhar il-Ħadd 22 ta’ Marzu fis-6.30 pm se titmexxa mill-Isqof Mario Grech u bil-kollaborazzjoni tal-Ministeru għal Ghawdex din se tkun irrekordjata biex tixxandar fuq it-tliet stazzjonijiet nazzjonali TVM, One u NET.
Din is-sena se tkompli tingħata spinta għat-turizmu religjuz billi jitlestew il-pjazez ta’ Xagħra u Għajnsielem. Ta’ Pinu se jkunu inawgurati l-ewwel muzajci ta’ Rubnik mal-faċċata tas-Santwarju, se jsiru ħames niċeċ tal-pellegrini fit-triq li twassalhom għas-santwarju u se jibda jintuza l-parkeġġ il-ġdid.
Il-Ministru Refalo qal li “il-politika tal-Ministeru għal Għawdex hija ċara fejn jidħol turizmu reliġjuż. Qegħda titjieb l-infrastruttura għal dan il-għan. F’Għawdex għandna l-elementi kollha fejn jidħol l-folklor reliġjuz: Milied,Gimgħa l-Kbira, Għid, Festi tas-Sajf u aktar. U ghalhekk ħloqt żewġ Kumitati biex ikunu kkordinati l-attivitajiet tal-Milied u l-Gimgha l-Kbira. Illum bil-provi. Diga’ kellna r-rizultati fejn din l-istrateġija tagħna qegħda tiġbed turizmu speċjalizzat, kemm intern kif ukoll estern, lejn Għawdex. Dan fi zmien matu lis-sena meta ftit li xejn it-turizmu fil-gzira kien ikun fl-aqwa tiegħu.”
“Fix-xhur u snin li gejjin se jkomplu nibnu fuq dak li bnejna. Naprezza l-koperazzjoni ta’ tant voluntiera. Irrid nara anqas pika u aktar inizjattivi pjanati minn qabel biex ikunu reklamati ukoll barra minn xtutna. Jekk isir deadline kulħadd għandu jzomm miegħu.
“Biex inkomplu ngħinu ħalli tizdied l-attendenza għall-inizjattivi li qegħdin jittiehdu rajna li n-noll tal-vapur tal-Gozo Channel għal tmiem il-gimgha li gejja ser ikun imraħħas” temm jgħid Il-Ministru ghal Ghawdex Anton Refalo.
