ARA | Silġ u maltemp bir-ragħad jolqtu lil Malta

Partijiet minn Malta ntlaqtu minn maltempata qawwija nhar il-Ħamis wara nofsinhar, hekk kif sħab griż, u xita  għattew numru ta’ lokalitajiet f’fenomenu rari għal gżira.

Xita ta’ silġ niżlet b’mod intensa madwar il-pajjiż, u f’ċerti żoni saħansitra bdiet takkumula fit-toroq, filwaqt li sajjetti qawwija komplew jakkumpanjaw il-maltemp. It-temperatura niżlet għal 12°C, iżda kienet tinħass 10°C minħabba l-kundizzjonijiet tar-riħ u l-umdità.

Twissija mill-Met Office

L-Uffiċċju Meteoroloġiku ħareġ twissija oranġjo, billi wissa li hemm mistenni aktar xita qawwija b’silġ u maltemp bir-ragħad fuq il-Gżejjer Maltin.

Il-maltemp kien ġej minn fuq in-naħa t’Isfel tal-gżira, hekk kif sistema ta’ pressjoni baxxa fl-Adrijatiku t’Isfel kompliet tinfirex lejn il-Mediterran ċentrali, ġġorr magħha kundizzjonijiet instabbli u mewġa oħra ta’ xita u riħ.

Il-previżjoni qed tindika li l-kundizzjonijiet se jkomplu jkunu jippersistu nhar il-Ġimgħa 5 ta’ Diċembru wkoll, b'riħ qawwi u xita bir-ragħad mistenni jkomplu jolqtu l-gżejjer.