Tliet anzjani oħra bil-Covid-19 jitilfu ħajjithom

In-numru ta' persuni li tilfu ħajjithom waqt li kienu pożittivi għall-Covid-19 jitilgħu għal 111

21 ta' Novembru 2020 12:44
minn Albert Gauci Cunningham

Il-Ministeru għas-Saħħa ħabbar li tlett anzjani mietu waqt li kienu pożittivi għall-Covid-19.

Fl-ewwel każ, anzjan ta’ 80 sena, li kien ikkonfermat pożittiv għall-Covid-19 fid-9 ta’ Novembru, miet ilbieraħ fl-Isptar Mater Dei.

Fit-tieni każ, anzjana ta’ 82 sena, li kienet ikkonfermata pożittiva għall-Covid-19 fid-9 ta’ Novembru, mietet aktar kmieni llum fl-Isptar Mater Dei.

Fit-tielet każ, anzjan ta’ 70 sena, li kien ikkonfermat pożittiv fis-6 ta’ Novembru, miet aktar kmieni llum fl-Isptar Mater Dei.

Dan ifisser li n-numru ta' persuni li mietu waqt li kienu pożittivi għall-Covid-19 issa tela' għal 111

Albert Gauci Cunningham, 38 sena, ġie appuntat Editur tal-gazzetta ILLUM u tas-sit illum....

Jaelle Borg