Il-junction ta' Buġibba reġgħet miftuħa għat-traffiku

Ix-xogħol skedat fil-Junction tal-Qawra, Buġibba u San Pawl il-Baħar tlesta, u issa iż-żona reġgħet aċċessibli għall-vetturi.

Ix-xogħol dalgħodu mexa tant li l-junction infetħet fis-14:30, minflok fit-20:00 kif kien imħabbar.  Dan ix-xogħol ifisser tragward ieħor importanti fix-xogħlijiet tal-proġett ta’ Triq il-Kosta.

Transport Malta xtaqet tirringrazzja lill-Pulizija għall-għajnuna imprezzabli fl-immaniġjar tat-traffiku, lill-ħaddiema għall-impenn f’xogħolhom u l-publiku tal-kollaborazzjoni.