MeDirect jirbaħ premju Ewropew għall-eċċellenza fil-pjattaforma diġitali tat-tfaddil u l-investiment

Il-Grupp MeDirect rebaħ il-premju Digital Savings and Investing Platform Excellence Award 2026 (Europe), mogħti minn Capital Finance International (CFI.co). Dan il-premju jagħraf il-ħidma u s-suċċess ta’ MeDirect fit-twassil ta’ pjattaforma bankarja u ta’ investiment li hi sigura, trasparenti u mfassla għal klijenti tiegħu. Jagħraf ukoll kif MeDirect qed jittrasforma l-mudell tiegħu ta’ bank innovattiv b’servizz aħjar u spejjeż aktar baxxi għal min jużah.

Ir-rapport tal-ġurija ta’ CFI.co semma kif MeDirect qed ikompli jikber fin-numru ta’ klijenti u qed isaħħaħ il-pożizzjoni finanzjarja tiegħu, b’appoġġ mill-investiment reċenti ta’ Banka CREDITAS, l-azzjonist il-ġdid tal-Grupp. Il-ġurija enfasizzat ukoll it-titjib li sar fil-governanza, fil-ġestjoni tar-riskju, fil-konformità, fil-governanza tad-data, fis-sigurtà tal-pjattaforma u fil-prevenzjoni tal-frodi—elementi li jagħtu spinta lill-prestazzjoni ta’ MeDirect.

Jean-Claude Maher, Kap Eżekuttiv tal-Grupp MeDirect, qal dan dwar il-premju: “Din ir-rikonoxxenza turi l-progress li qed nagħmlu biex noffru pjattaforma sigura u faċli għall-klijenti tagħna, b’aċċess għal soluzzjonijiet ta’ tfaddil u investiment ta’ kwalità għolja. Aħna nkomplu nsaħħu s-servizz u l-valur li noffru billi nużaw it-teknoloġija u l-innovazzjoni, filwaqt li nżommu l-ogħla standards ta’ sigurtà, governanza u ġestjoni tar-riskju.”

Huwa żied jgħid: “It-tkabbir ta’ MeDirect kemm f’Malta kif ukoll fil-Belġju ġej l-aktar mill-klijenti affluwenti li għal żmien twil kienu jħallsu wisq u ma kienux jirċievu servizz tajjeb fil-banek tradizzjonali. L-impenn tagħna biex intejbu l-offerta u l-esperjenza tal-klijent hija riflessjoni ta’ kemm qed tikber il-fiduċja fil-bank tagħna.”

MeDirect jopera bħala bank diġitali b’bażi f’Malta, li jaqdi klijenti individwali f’Malta u fil-Belġju. F’Malta, il-bank għandu wkoll fergħat f’Tas-Sliema u Għawdex, u joffri firxa sħiħa ta’ servizzi diġitali u fiżiċi lill-klijenti kummerċjali. Il-Grupp ikompli jinvesti fit-teknoloġija u l-innovazzjoni biex jespandi s-servizzi tiegħu u jsaħħaħ il-kapaċità li jilħaq aktar swieq ewlenin.

MeDirect Bank (Malta) plc, bin-numru ta’ reġistrazzjoni tal-kumpanija C34125, huwa regolat mill-Awtorità tas-Servizzi Finanzjarji ta’ Malta huwa liċenzjat mill-Awtorità Maltija għas-Servizzi Finanzjarji biex iwettaq in-negozju bankarju skont l-Att Bankarju (Kap. 371)  u huwa liċenzjat biex  iwettaq negozju ta’ servizzi ta’ investiment taħt l-Att dwar is-Servizzi ta’ Investiment (Kap. 370).

MeDirect Bank (Malta) plc, The Centre, Tigné Point, Tas-Sliema, TPO 0001, Malta.