Ħsara fil-cables tħalli partijiet min-Nofsinhar ta' Malta mingħajr servizz ta' Melita

Melita infurmat lill-pubbliku li bħalissa qed tesperjenza interruzzjoni fis-servizz li qed taffettwa partijiet min-Nofsinhar ta' Malta wara li fibre cables ġarrbu ħsara kkawżata minn terzi.

Fi stqarrija, il-kumpanija qalet li t-tim tekniku tagħha jinsab fuq il-post u qed jaħdem biex isewwi l-ħsara kemm jista' jkun malajr.

Melita ma indikatx meta s-servizzi mistennija jerġgħu lura għan-normal, iżda qalet li se tkompli taġġorna lill-pubbliku dwar il-progress tax-xogħlijiet.

Il-kumpanija ċċarat ukoll li, minkejja l-interruzzjoni, is-sejħiet lis-servizzi tal-emerġenza se jibqgħu disponibbli.