Is-Segretarju Ġenerali tal-General Workers Union, Josef Bugeja, qiegħed "jikkunsidra bis-serjetà" li jikkontesta l-elezzjoni ġenerali bħala kandidat f'isem il-Partit Laburista.
F'kumment lil MaltaToday, Bugeja qal li n-nies ilhom javviċinawh sabiex iħeġġuh jikkontribwixxi aktar fil-ħajja pubblika.
Bugeja qal li wara r-rispons li rċieva f'jiem riċenti, li huwa ma kienx qiegħed jistenna, huwa saħansitra ħassu iktra inkoraġġut
Iżda huwa insista li m'hemm xejn stabbilit, u għadu ma ssottomettiex il-kandidatura uffiċjali tiegħu għall-approvazzjoni tal-partit.
Huwa jgħix fil-Pietà u huwa mill-Ħamrun, iżda ma qalx jekk hux se jikkontesta fuq l-ewwel distrett.
F'Jannar, Bugeja żvela l-intenzjoni tiegħu li jirriżenja mill-kariga, u b'hekk beda l-proċess informali sabiex jinħatar segretarju ġenerali nominat. Kevin Camilleri nħatar sussegwentement f'dan ir-rwol f'Marzu.
Riċentament, huwa indirizza l-kungress nazzjonali tal-Partit Laburista fejn enfasizza li l-ġustizzja soċjali tibqa' fil-qalba tal-viżjoni tal-moviment Laburista.
Bugeja qal li l-moviment Laburista huwa “familja” li dejjem tat vuċi lill-ħaddiema u sostniet li d-dinjità umana mhijiex għall-bejgħ.
“Meta nħares lejkom, ma narax biss udjenza f’sala; nara l-familja tiegħi;moviment li tana vuċi u dejjem emmen li d-dinjità umana mhijiex għall-bejgħ,” qal.
Il-Partit Laburista u l-General Workers’ Union storikament kienu allinjati fil-fehmiet politiċi tagħhom.
Waqt is-snin tat-tmexxija ta' Dom Mintoff, il-General Workers' Union kienet saħanistra tissemma fl-istatut tal-Partit Laburista bħala parti mill-Moviment tal-Ħaddiema.
.png)
