Id-Dipartiment tal-Protezzjoni Ċivili jirrispondi għal nirien f'sit industrijali f'Ħad-Dingli

Id-Dipartiment tal-Protezzjoni Ċivili bħalissa qiegħed jirrispondi għal nirien f'sit industrijali f'Ħad-Dingli.

Il-pubbliku huwa ġentilment mitlub jevita ż-żona minħabba tħassib dwar is-sigurtà u sabiex ma jkunx hemm tfixkil għall-operazzjonijiet ta' rispons għal emerġenza li għaddejjin bħalissa fiż-żona.

Ir-residenti fil-lokalitajiet fil-qrib, partikolarment dawk residenti f'Ħad-Dingli u r-Rabat, huma avżati sabiex iżommu l-bibien u t-twieqi kollha magħluqa bħala prekawzjoni minħabba d-dħaħen fiż-żona b'riżultat tan-nirien.

Aktar aġġornamenti se jinħarġu permezz tal-mezzi ta' komunikazzjoni uffiċjali tal-Protezzjoni Ċivili. B'rabta ma' dan, il-pubbliku huwa ġentilment mitlub sabiex jibqa' jsegwi l-istruzzjonijiet maħruġa mis-servizzi tal-emerġenza u l-awtoritajiet lokali.