Il-Kummissjoni għas-Safeguarding, li tifforma parti mill-Arċidjoċesi ta’ Malta, u l-Victim Support Agency ffirmaw Memorandum of Understanding (MoU) bil-għan li jsaħħu l-kollaborazzjoni bejniethom fil-provvista ta’ servizzi ta’ kura u appoġġ lill-vittmi f’Malta.
Dan il-ftehim, l-ewwel wieħed ta’ natura formali bejn iż-żewġ entitajiet, jimpenjahom li jqiegħdu lill-vittma fiċ-ċentru tal-ħidma kollha tagħhom, filwaqt li jerġgħu jaffermaw l-impenn tagħhom għal kollaborazzjoni effettiva fil-qasam tal-prevenzjoni, il-protezzjoni u l-appoġġ lill-persuni affettwati mill-abbuż.
Il-MoU ġie ffirmat minn Mark Pellicano, Kap tas-Safeguarding, u minn Brian Farrugia, Chief Executive Officer tal-Victim Support Agency. Il-ftehim jikkjarifika l-passaġġi ta’ referenza bejn iż-żewġ organizzazzjonijiet, jinkoraġġixxi appoġġ ikkoordinat u jiżgura li dawk li jkunu għaddew minn esperjenzi ta’ abbuż jirċievu l-ogħla livell ta’ kura possibbli.
Il-ftehim jenfasizza wkoll il-ħtieġa ta’ appoġġ kontinwu lill-vittmi f’kull stadju tal-investigazzjoni, filwaqt li jissottolinja li meta l-fiduċja tiġi traduta u reat iseħħ fi ħdan organizzazzjoni, irid ikun hemm responsabbiltà u trid isseħħ il-ġustizzja.
Skont iż-żewġ partijiet, dan il-pass jirrappreżenta pass importanti lejn approċċ aktar koerenti u sensittiv għall-bżonnijiet tal-vittmi, filwaqt li jsaħħaħ is-sistemi ta’ protezzjoni u r-rispons istituzzjonali f’każijiet ta’ abbuż.
.png)
