Żagħżugħ ta' 25 sena jinstab mejjet fiċ-ċella tiegħu

Żagħżugħ mill-Pakistan ta’ 25 sena nstab mejjet fiċ-ċella tiegħu fil-Faċilità Korrettiva ta’ Kordin.

Huwa nstab mill-uffiċjali korrettivi waqt ir-rondi għall-ħabta tas-sitta ta’ filgħodu.

Skont il-Faċilità Korrettiva ta’ Kordin, fiċ-ċella ma nstab xejn suspettuż u "għalhekk l-ewwel indikazzjonijiet juru li miet waqt l-irqad."

B’mod immedjat ġew infurmati l-pulizija tad-distrett b’dan il-każ filwaqt li nħatret inkjesta li qed titmexxa mill-Maġistrat tal-Għassa Charmaine Galea.