Anzjan jitlef ħajtu waqt li kien qed jgħum fil-Balluta

Anzjan ta' 75 sena tilef ħajtu waqt li kien qed jgħum fil-Bajja tal-Balluta.

Kelliem għall-Pulizija kkonferma dan il-każ mas-sit illum.com.mt fejn spjega li kien għall-ħabta tat-8.30pm meta l-Pulizija rċeviet rapport li kien hemm raġel qed jgħum u li kellu bżonn l-għajnuna.

L-anzjan ittella' l-art f'qasir żmien iżda kien iċċertifikat mejjet fuq il-post.

Aktar tard se tkun qed isir awtopsja biex tkun stabbilita l-kaġuni tal-mewt.