Inċident iħalli żagħżugħ Żebbuġi l-Isptar bi ġrieħi gravi

Jidher li l-mutur tat-tip Yamaha MTM850 kien qed jinstaq fid-direzzjoni lejn San Ġiljan meta seħħ l-inċident

Ilbieraħ, għall-ħabta tad-8:40 a.m il-Pulizija ġiet infurmata li kien għadu kemm seħħ inċident tat-traffiku fi Triq Tul il-Kosta, Naxxar. 
 
Il-Pulizija mill-Għassa tan-Naxxar marru immedjatament fuq il-post u minn stħarriġ preliminari rriżulta li għal xi raġuni, raġel li għandu 34 sena u residenti Ħaż-Żebbuġ, tilef ilkontroll tal-mutur li kien qed isuq, laqat il-bankina u waqa', bil-konsegwenza li sofra xi ġrieħi.
 
Jidher li l-mutur tat-tip Yamaha MTM850 kien qed jinstaq fid-direzzjoni lejn San Ġiljan meta seħħ l-inċident.  Is-sewwieq tal-mutur ittieħed l-Isptar Mater Dei għall-kura fejn ġie ċċertifikat li qiegħed isofri minn ġrieħi gravi.
 
L-investigazzjonijiet tal-Pulizija għadhom għaddejjin.
 
 

More in Kronaka