Żewġ anzjani jsofru ġrieħi hekk kif tieħu n-nar il-kamra tas-sodda

Żewġ nisa sofrew xi ġrieħi u anke belgħu xi dħaħen meta l-kamra tas-sodda li kienu fiha ħadet in-nar.

Il-każ seħħ ilbieraħ, għall-ħabta tas-6:00pm, fi Triq Santa Katarina, iż-Żurrieq.

Fuq il-post issejħu membri tal-Protezzjoni Ċivili li kkontrollaw in-nirien u tim mediku biex jassistu liż-żewġ anzjani.

Iż-żewġ anzjani, li għandhom 75 sena, ittieħdu l-Isptar Mater Dei. Waħda qed issofri minn ġrieħi gravi filwaqt li l-oħra ġrieħi ħfief.

Il-Pulizija għadha qed tinvestiga.