Raġel ta’ 31 sena, residenti San Ġwann jinsab fil-periklu tal-mewt wara li waqa’ minn għoli ta’ madwar sular. L-inċident seħħ illum 19 ta’ Mejju 2015 għall-ħabta tas-sagħtejn ta’ wara nofsinhar (1400hrs).
Investigazzjonijiet preliminari juru li r-raġel kien qiegħed jagħmel xi xogħol ġewwa residenza privata fi Triq F.W Ryan, San Pawl tat-Tarġa limiti tan-Naxxar meta għal xi raġuni waqa’ minn fuq bejt ta’ garaxx f’għoli ta’ madwar sular.
Il-Maġistrat tal-Għassa Dr A Demicoli LL.D ġiet infurmata rigward il-każ u ħatret diversi esperti sabiex jassistuha fl-inkjesta li ġiet appuntata.
Il-Pulizija għadha għaddejja bl-investigazzjonijiet tagħha dwar dan il-każ.
