Il-Pulizija fetħet investigazzjoni wara li tard ilbieraħ filgħaxija, għall-ħabta tal-11 ta' filgħaxija instab katavru ta' baħri Filippin abbord bastiment fil-Port Ħieles.
Apparentement, ir-raġel miet kawża ta' diversi daqqiet ta' sikkina. Il-katavru kien abbord vapur irreġistrat Malta bl-isem ta' MT Elbella.
Dwar il-każ infetħet inkjesta Maġisterjali bl-investigazzjonijiet qed jitmexxew mill-Pulizija tal-Investigazzjonijiet Kriminali u l-Pulizija tad-Distrett.
Il-bastiment, daħal fil-Port Ħieles aktar kmieni matul il-jum tal-Ħadd.
