Ir-Re Karlu jxolji l-parlament; l-elezzjonijiet ġenerali fir-Renju Unit għall-4 ta' Lulju

Il-Prim Ministrju Brittaniku Rishi Sunak ħabbar l-Erbgħa filgħaxija li l-elezzjoni ġenerali fir-Renju Unit se tkun qed iseħħ fl-4 ta’ Lulju.

Isejjaħ l-elezzjoni quddiem Downing Street, Sunak qal li diġà iltaqa’ mar-Re Karlu it-III biex jitlob li jxolji l-parlament.

This is why I’ve just called the election. pic.twitter.com/z54gZc7w2D

— Rishi Sunak (@RishiSunak) May 22, 2024

Fid-diskors tiegħu, Sunak attakka l-Mexxej Laburist Keir Starmer, il-kandidat favorit bħalissa, u attakka il-politika tiegħu.

“Jien nagħmel dak li hu tajjeb għal pajjiżna, mhux dak li hu faċli... Ma nistax ngħid l-istess ħaġa għall-Partit Laburista,” qal Sunak.

Fit-tweġiba tiegħu, il-Kap tal-Oppożizzjoni Keir Starmer qal li “l-Gran Brittanja jixirqilha aħjar.”