Ħadd ma jweġġa' waqt serqa b'sikkina f'San Pawl il-Baħar

It-Tnejn filgħaxija seħħet serqa minn ħanut tal-merċa fi Triq ix-Xitwa, f'San Pawl il-Baħar.

Il-każ seħħ għall-ħabta tad-9:30pm, hekk kif il-Pulizija ġiet infuramta li seħħet serqa, u mill-ewwel stħarriġ tagħha, irriżulta li raġel mgħammad u armat b'sikkina daħal fil-ħanut u talab il-flus lill-impjegata, li kienet mara ta' 52 sena. 

Huwa ħarab minn fuq il-post b'ammont ta' flus kontanti, u ħadd ma weġġa' waqt is-serqa.

Il-Maġistrat tal-Għassa Dr Marse-Ann Farrugia ġiet infurmata bil-każ u ħatret inkjesta
filwaqt li l-investigazzjonijiet tal-Pulizija għadhom għaddejjin.