Raġel mingħajr saqaf fuq rasu ġie appuntat li seraq nofs tuzzana fliexken ta' alkohol minn supermarket u ġie moghti l-libertà proviżorja sakemm tingħatalu s-sentenza biex jattendi rijabilitazzjoni tad-droga. Il-każ seħħ nhar il-Ħadd, f'supermarket il-Ħamrun.
Raġel ta' 39-il sena, li xehed quddiem Il-Maġistrat Joe Mifsud aktar kmieni illum, ġie mixli, b'serq aggravat, fost oħrajn. Huwa ġie akkużat ukoll li wettaq dan ir-reat waqt li kien fuq probation u b'reċediviżmu.
Huwa qal lill-Qorti li kellu xogħol fl-industrija tal-kostruzzjoni. Spjega li kien għadu kif temm programm tar-rijabilitazzjoni tal-Caritas, iżda reġa' irritorna għal abbuż tad-droga. Ilbieraħ stess attenda għal appuntament mal-Caritas bil-għan li jfittex l-għajnuna.
L-avukat difensur Mark Mifsud Cutajar informa lill-Qorti li l-akkużat se jħallas il-bqija tas-somma dovuta ta' €162.
Inant Azzopardi ammenta l-akkużi miġjuba kontrih u b'hekk il-Qorti ordnatlu ħelsien mill-arrest sakemm jerġa' jinstema l-każ f'Novembru. Dan filwaqt li ordnat li jħallas garanzija personali ta' €5,000 kif ukoll biex jiffirma l-ktieb tal-pleġġ darba f'ġimgħa.
Il-Maġistrat, f'indirizz dirett lill-akkużat wissitu illi d-drogi jwittu t-triq għall-mewt. Qal ukoll li "għalkemm id-dixxiplina qatt ma qatlet lil ħadd, id-drogi jistgħu."
