Xeni ta’ qsim il-qalb dalgħodu fil-Qorti meta raġel inżamm arrestat wara li kontrih ħareġ Mandat ta’ Arrest Ewropew.
Martu u uliedu ma ridux jitilquh u ntefgħu jgħanquh waqt li l-Pulizija eskortatu ‘l barra mill-awla.
Ir-raġel, li għandu 33 sena, qed ikun akkużat mill-awtoritajiet Ungeriżi fuq 23 każ ta’ frodi.
L-akkużat, li jgħix ir-Rabat Għawdex, ikkonferma li hu kien dak li jissemma fil-Mandat ta’ Arrest u informal lill-Qorti li se jkun qed jikkontesta t-talba għal-estradizzjoni.
L-Avukat tiegħu, Fransina Abela, tablet għall-ħelsien mill-arrest iżda l-Prosekuzzjoni oġġezzjonat minħabba ‘biża’ kbir’ li dan jista’ jaħrab jew jinħeba.
Il-Qorti ċaħdet it-talba għall-ħelsien mill-arrest.