DJ ta’ 24 sena li fil-passat ġie kkundannat li ħa sehem f’attivatijiet sesswali ma’ persuni taħt l-età, kien mressaq il-Qorti dalgħodu, din id-darba akkużat li kkorrompa tifla ta’ 15-il sena.
Joel Caruana, ta’ 24 sena minn Ħal Tarxien ġie mixli quddiem il-Maġistrat Antonio Micallef Trigona li fl-24 ta’ Lulju li għadda u fix-xhur ta’ qabel ikkorrompa tfajla ta’ 15-il sena u ħa sehem f’attivatijiet sesswali magħha.
Il-prosekuzzjoni, mmexxija mill-Ispettur Sylvana Briffa, qalet lill-Qorti li dn kienet it-tielet darba li Caruana kien mixli fuq akkużi simili. Fl-2010 Caruana kien ngħata sentenza ta’10 xhur ħabs sospiża għal sentejn wara li kien misjub ħati li ħa sehem f'attivatijiet sesswali ma' tifla ta' 13 sena, u tliet snin wara, proprju fl-2013, ingħata sentenza sospiża oħra – din id-darba wara li deher jaqbad sider ta’ tfajla ta’ 14-il sena.
Huwa ġie akkużat ukoll li kkommetta reat meta kellu sentenza sospiza fil-konfrong tiegħu. Caruana ċaħad l-akkużi miġjuba kontrih.
Il-Qorti ċaħdet l-appell għall-ħelsien mill-arrest u nżamm taħt l-arrest.
