Nhar l-Erbgħa, għall-ħabta tas-sebgħa u kwart ta’ filgħaxija seħħ inċident tat-traffiku fi Triq il-Kunvent, Ħaż-Żabbar.
Minn stħarriġ preliminari rriżulta li kienet seħħet ħabta bejn karozza misjuqa minn raġel ta’ 29 sena residenti l-Marsa u mutur misjuq minn raġel ta’ 30 sena residenti Ħaż-Żabbar.
Konsegwentement, il-mutur laqat ukoll karozza li kienet ipparkjata.
Ix-xufier tal-mutur ingħata ttieħed l-Isptar Mater Dei b’ambulanza fejn ġie ċċertifikat li weġġa’ gravi.
Il-Pulizija għadhom għaddejjin bl-investigazzjonijiet fuq il-każ.
