Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Iwieġbu ħatja li serqu żewġ supermarkets Għawdxin

Iż-żewġ żgħażagħ ngħataw sentenza sospiża ta' ħabs

Yendrick Cioffi / 6 ta' Settembru 2018 17:45
Żewġ żgħażagħ ngħataw sentenza sospiża ta’ ħabs wara li serqu minn żewġ supermarkets Għawdxin.

L-akkużati, li għandhom 32 u 25 sena u huma mis-Serbja, tressqu akkużati li serqu żewġ supermarkets fir-Rabat bejn l-1 u 3 ta’ Settembru.

Huwa serqu diversi prodotti ta’ ikel u flixken tal-alkoħol, bl-ammont tal-prodotti misruqa jaqbeż l-€460.

It-tnejn li huma wieġbu ħatja tal-akkużi miġjuba kontrihom.

Fid-deċiżjoni tagħha, il-Qorti ħadet inkonsiderazzjoni l-fatt li l-oġġetti kollha għadhom għand l-akkużati u li t-tnejn li huma kellhom kondotta nadifa.

Kien għalhekk li ngħataw sentenza ta’ 12-il xahar ħabs sospiżi għal sentejn u ġew ordnati jirritornaw l-affarijiet misruqa.

Yendrick Cioffi ssieħeb mal-kumpanija Mediatoday fl-2018 wara 4 snin ta' ħidma bħala ġurnalist mas-sit newsbook.com.mt. Cioffi jispeċjalizza fi stejjer soċjali , politiċi u kulturali u għal din l-aħħar sena kien responsabbli għat-tfassil ta' diversi supplimenti dwar festi ta' bliet u rħula differenti
Stħarriġ
Segwina fuq Facebook