Raġel weġġa' gravi wara li kien involut f'inċident tat-traffiku bil-mutur fix-Xagħra Għawdex.
L-inċident seħħ għall-ħabta tat-8:30am fi Triq ir-Rabat, ix-Xagħra. Stħarriġ preliminari rriżulta li seħħet ħabta bejn Toyota Yaris misjuqa minn raġel ta’ 75 sena li jgħix ir-Rabat, Għawdex, u mutur Honda li kien qed isuq il-vittma.
Ix-xufier tal-mutur ngħata l-ewwel għajnuna minn tim mediku u ttieħed l-isptar b'ambulanza, fejn aktar tard ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
