Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

'Iż-żewġ akkużati ma kinux ilhom fl-AFM' - Il-Kummissarju tal-Pulizija

L-akkużati mistennijin jitressqu l-Qorti fis-sigħat li ġejjin, probabbilment f'xi ħin għada

Albert Gauci Cunningham / 18 ta' Mejju 2019 14:41
Il-Kummissarju tal-Pulizija Lawrence Cutajar
Fl-ewwel kummenti tiegħu lil dan is-sit wara l-aħħar żviluppi fil-każ ta' qtil ta' immigrant, il-Kummissarju tal-Pulizija Lawrence Cutajar żvela kif is-suldati li issa ġew arrestati u li mistennijin jitressqu l-Qorti fis-sigħat li ġejjin, ma kinux ilhom ħafna fil-Forzi Armati ta' Malta. Fil-fatt huwa mifhum li l-akkużati huma żgħażagħ. Iż-żewġ suldati inkwistjoni se jkunu akkużati bil-qtil ta' Lassana Cisse Souleyman li seħħ nhar is-16 ta' April li għadda, meta dawn it-tnejn allegatament sparaw fuq immigranti minn ġo karozza. 

Cutajar sostna li "l-investigazzjonijiet ilhom għaddejjin b'mod intensiv mill-ewwel ġurnata u dan is-suċċess wasal grazzi għall-kordinazzjoni li qiegħda dejjem tikber bejn it-taqsimiet speċjalizzati flimkien mal-Pulizija tad-distrett biex Malta tkun stat aktar sigur."

L-akkużati mistennijin jittellgħu l-Qorti fis-sigħat li ġejjin, illejla jew inkella f'xi ħin għada. 

Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook