Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Siegħa ċans biex kumpaniji bħal Facebook u Google jniżżlu kontenut 'terroristiku'

Il-Parlament Ewropew jgħaddi proposta li tagħti kumpaniji siegħa ċans minn meta jkunu mwiddba dwar kontenut 'terroristiku', biex iniżżluh, inkella ...

Albert Gauci Cunningham / 17 t'April 2019 19:20


Kumpaniji se jkollhom jibdew ineħħu kontenut relatat ma' terroriżmu f'temp ta' siegħa minn meta jirċievu lment mill-awtoritajiet, jekk proposta tal-Parlament Ewropew tgħaddi mill-Kummissjoni Ewropea. 

Dan kien deċiż mill-Parlament Ewropew li vvota favur b'308 voti, 204 voti kontra u 70 stensjoni.

Din il-proposta tiġi ftit ġimgħat wara attakk terroristiku li sar fi New Zealand f'moskea, f'liema attakk inqatlu 50 persuna u indarbu 20.

Din il-proposta tgħid illi jekk kumpaniji, "b'mod sistematiku u persistenti jfallu milli jżommu mal-liġi jistgħu jkunu sanzjonati b'multa li titla' sa 4% tal-qliegħ tal-kumpanija." Hawnhekk qed nirreferu għal kumpaniji bħal Facebook, Vimeo, You Tube u oħrajn. 

Minkejja dan, kumpanija mhux se tkun obbligata tagħmel moniteraġġ jew tfittex fatti illegali mtellgħin fuq il-pjattaforma. Il-multa tgħodd biss meta l-kontenut ma jitneħħiex wara siegħa minn meta jwiddbu l-awtoritajiet. 

L-ewwel darba li kumpanija tirċievi din l-ordni, qabel ma toħroġ il-multa, dawn jirċievu iktar informazzjoni dwar il-proċeduri sa 12-il siegħa qabel din l-ewwel ordni. 


 


 
Albert Gauci Cunningham, 36 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook