Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Attakk New Zealand | Iwaħħal kamera fuq l-arma u jxandar live l-isparatura

49 persuna nqatlu u madwar 20 oħra ndarbu wara sparaturi f'żewġ moskej

Yendrick Cioffi / 15 ta' Marzu 2019 09:45
49 persuna nqatlu u minn tal-inqas 20 oħra weġġgħu wara sparaturi fuq żewġ moskej fi New Zealand.

It-terrorist, kif iddeskrivih il-Prim Ministru Awstraljan Scott Morrison, ġibed u xandar live fuq Facebook l-attakk fuq in-nies wara li weħħel kamera mal-arma tan-nar.

Ir-raġel, li għandu madwar 30 sena, ġie arrestat u se jitressaq il-Qorti għada filgħodu u huwa magħruf bħala estremist xellugi u li kontra l-immigranti.

Sadanittant il-Pulizija qed iżomm żewġ persuni oħra li ġew arrestati fiż-żona u għadha qed tiddetermina jekk dawn kinux involuti.

Waqt konferenza tal-aħbarijiet, il-Kummissarju tal-Pulizija ta’ New Zealand, Mike Bush, saħaq li l-Pulizija qatt ma kellha informazzjoni dwar l-akkużat.

“Minn fuq ix-xeni tad-delitt ġbarna numru ta’ armi tan-nar,” qal Bush.

Intant l-awtoritajiet taw ordni lill-moskej kollha biex għalissa jagħlqu.

Min-naħa ta’ Facebook kkonfermaw li l-profili tal-akkużat kemm fuq Facebook u anke fuq Instagram ingħalqu u bħalissa qed jaħdmu biex jieqaf it-tixrid tal-filmat li xandar.

Stħarriġ
Segwina fuq Facebook