Intervista Lokali Barranin

Chris Agius f'laqgħat biex tissolva l-problema FUTSAL

L-assoċjazzjoni tal-Futsal m'għandhiex fejn tilgħab il-Kampjonat tagħha

John Busuttil / 3 ta' Settembru 2016 12:51

B’referenza għall-istqarrija li nħarġet mill-Malta Futsal Association, is-Segretarjat Parlamentari għar-Riċerka, Innovazzjoni, Żgħażagħ u Sport jixtieq jiċċara l-fatti.
Sa minn meta l-Assoċjazzjoni tal-Futsal ltaqgħet mal-problema li l-Assoċjazzjoni Sports Hibernians ma kinitx ser iġġedded il-kuntratt, saru diversi laqgħat u ġew studjati diversi possibiltajiet sabiex isir fihom il-kampjonat tal-futsal fosthom biex l-iskola nazzjonali tal-isport tilqa’ l-kompetizzjoni fil-faċilitajiet tagħha.

Sa jumejn ilu l-Assoċjazzjoni, permezz tal-President tagħha Mark Borg, kellhom laqgħa mas-Segretarju Parlamentari Chris Agius, fil-preżenza ta’ uffiċjali ta’ ASC Hibernians, sabiex jinstabu alternattivi oħra. Għalhekk l-Assoċjazzjoni kienet konxja l-ħin kollu ta’ dak li qed isir, anzi kienet hi wkoll involuta f’dawn id-diskussjonijiet biex tinstab soluzzjoni.

Is-Segretarjat Parlamentari jilqa’ b’sodisfazzjon li aktar timijiet u nurseries qed juru interess fil-logħba tal-Futsal, u propju għalhekk huwa importanti li wieħed dejjem iżomm f’moħħu kif jistgħu jiġu akkomodati dawn iż-żidiet u jintużaw il-faċilitajiet li preżentement għandna f’pajjiżna u li din l-amministrazzjoni qed taħdem biex tkompli ittejjeb u ssaħħaħ.

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook