Intervista Lokali Barranin

“Se ngħin lil Tarxien Rainbows jilħqu l-għanijiet tagħhom” – Ishmael Grech

Cristian Muscat / 24 ta' Marzu 2015 16:33
Ishmael Grech jippoża bil-flokk ta’ Tarxien Rainbows, wara li ngħaqad magħhom lejn l-aħħar ta’ Jannar li għadda
Nhar l-Erbgħa 21 ta’ Jannar, id-difensur ta’ 23 sena Ishmael Grech ingħaqad b’mod uffiċjali ma’ Tarxien Rainbows. F’kummenti li għadda lil dan il-ġurnal huwa saħaq li:

“Qed inħares lejn din l-esperjenza bħala sfida ġdida fil-karriera tiegħi. L-għan tiegħi huwa dak li nilgħab u nerġa’ nistabilixxi ruħi fil-Premier kif kont mal-Mosta matul l-istaġun 2013/14. 

Nixtieq ngħid li l-klabb ta’ Tarxien Rainbows laqagħni b’idejh miftuħa u ħassjetni mal-ewwel komdu fl-atmosfera li sibt ruħi fiha. 

Nixtieq ngħid ukoll grazzi kemm lill-kowċ Clive Mizzi kif ukoll lill-kumitat tal-fiduċja li wrew fija u se nagħmel minn kollox biex ngħin lil Tarxien Rainbows jilħqu l-għanijiet tagħhom,” temm jgħid Ishmael Grech. 

Cristian Antony Muscat huwa ġurnalist sportiv li jispeċjalizza fil-futbol. Ilu f’dan il-qasam għal dawn l-aħħar 5 snin. Kien kummentatur f'diversi logħbiet prinċipali tal-futbol fosthom dawk mill-UEFA Champions League kif ukoll tal-waterpolo, handball u futsal. Għandu għal qalbu ħafna l-isports hekk kif jarah bħala mezz ewlieni li jgħin lill-bniedem biex jiskopri dejjem iktar lilu nnifsu.
Stħarriġ
Segwina fuq Facebook