Chelsea u Swansea City fil-quċċata u Arsenal jirbħu punt fl-aħħar sekondi

Chelsea u Swansea City jinsabu fil-quċċata tal-klassifika tal-Kampjonat Barclays Premier fl-Ingilterra b’6 punti jiġifieri punti massimi minn żewġ logħbiet. L-attakkant prolifiku Spanjol Diego Costa rnexxielu jiskorja fid-debutt tiegħu fi Stamford Bridge biex għen lil Chelsea jiksbu rebħa ta’ 2-0 kontra t-tim inferjuri ta’ Leicester City li kollox ma’ kollox kellhom logħba tajba fejn f’xi drabi l-goalkeeper Belġjan ta’ Chelsea Courtois kien fundamentali biex iċaħħad lill-plejers ta’ Leicester City milli jsibu x-xibka. Il-gowl l-ieħor għall-Blues wasal minn Eden Hazard fis-77 minuta.  

Fl-ewwel logħba li ntlagħbet fil-programm tas-Sibt, Aston Villa u Newcastle United temmew il-konfront ta’ bejniethom f’parità ta’ mingħajr gowls. Bl-istess skor intemm il-konfront bejn Southampton u West Bromwich Albion. F’logħba oħra West Ham United kisbu tliet punti prezzjużi meta barra minn darhom għelbu l-isfida ta’ Crystal Palace bl-iskor ta’ 3-1 bil-gowls għalihom jaslu minn Mauro Zarate, Downing u Carlton Cole waqt li l-uniku gowl għal Crystal Palace wasal minn Chamakh fid-49 minuta. Swansea City ġewwa darhom għelbu lil Burnley bl-iskor minimu ta’ 1-0 bil-gowl għalihom jasal minn Nathan Dyer fit-23 minuta. 

Arsenal rebħu punt fl-aħħar sekondi tal-konfront tagħhom kontra Everton barra minn darhom f’Goodison Park meta sa 7 minuti mit-tmiem tal-logħba sorprendentament kienu qed jitilfu bl-iskor ta’ 2-0, bil-konfront ta’ bejniethom jintemm bl-iskor finali ta’ 2-2. Għal Arsenal skorjaw Ramsey u Giroud fit-83 u fid-90 minuta rispettivament waqt li għal Everton irnexxielhom isibu x-xibka Coleman u Naisimith fid-19 u fil-45 minuta rispettivament.

Riżultati

Riżultati Kampjonat Barclays Premier

Is-Sibt 23 ta’ Awwissu

Aston V. vs Newcastle U.    0-0

Chelsea vs Leicester C.    2-0

Crystal P. vs West Ham U.    1-3

Southampton vs WBA    0-0

Swansea C. vs Burnley    1-0

Everton vs Arsenal    2-2

Fixtures Kampjonat Barclays Premier

Il-Ħadd 24 ta’ Awwissu

14:30 Hull C. vs Stoke C.

14:30 Tottenhham H. vs QPR

17:00 Sunderland vs Manchester U.

It-Tnejn 25 ta’ Awwissu

21:00 Manchester C. vs Liverpool