Il-lettur li ftit jiem ilu deher attakkat minn student fl-MCAST irrakonta għall-ewwel darba l-istorja kif ġrat min-naħa tiegħu.
Ftit jiem qabel protesta, organizzata mill-unjin tal-għalliema (MUT), il-lettur spjega kif ġraw l-affarijiet.
“Ilni ngħallem aktar minn għoxrin sena u dan huwa l-ewwel inċident ta’ dan it-tip,” beda’ jispjega l-għalliem, li għalissa ddeċċieda ma jaqsamx ismu.
Spjega kif matul l-aħħar erba’ ġimgħat, il-klassi kellha tipprepara u tissottometti proġett tal-klassi skont il-proċedura mitluba minnha.
“L-istudent lanqas biss ipprintja l-paġna ta’ quddiem li ġiet ipprovduta xhur qabel. Huwa attenda l-klassi imma ma riedx jaħdem,” kompla jgħid.
Huwa qal li s-sitwazzjoni ikkumplikat ruħha meta ħadd mill-klassi tiegħu ma ried jaħdem miegħu għalkemm ippruva jħeġġeġ lil sħabu ripetutament biex jaħdmu miegħu.
Dakinhar li seħħ l-inċident, l-għalliem staqsa fejn hu xogħol l-istudent, u hu b’mod sarkastiku wieġbu li kien fuq il-laptop, meta il-proġġett kien miktub li jinkiteb bill-pinna.
“Fakkartu li din kienet l-aħħar ġurnata biex jagħmel xogħlu. Minflok ma skuża ruħu beda jxejjar idejh u jgħid 'għax int ilek tħawwad id-dati…xbajt tħawwad”
Dan kien segwiet, skont il-lettur, minn lingwaġġ offensiv u hemm fejn qallu jitlaq mill-klassi.
L-istudent baqa’ bilqiegħda u ma riedx jitlaq. Hawn fejn jibda’ l-filmat, u n-nies jaraw lill-lettur jersaq lejn l-istudnt.
“Tlaqt mill-klassi mħawwad u bid-demm iqattar minn wiċċi. Ġejt assistit mill-Managemen. Attendejt klinika għall-kura u għandi appuntament skedat f’Mater Dei għal scans biex niddetermina jekk hemmx ksur moħbi,” huwa temm jispjega.
Spjega li sab appoġġ mill-kolleggi u l-MCAST.
“Jien edukatur u rrid biss l-aħjar għall-istudenti tiegħi inkluż l-Istudent N. Jiena nwiegħed lill-MCAST li nkompli nagħtuh l-appoġġ kollu meħtieġ hekk kif ipprovdejtlu fix-xhur li għaddew.”
Il-unjin tal-għalliema issa qed issejjaħ protesta sabiex twassal il-vuċi tal-ħafna membri tal-MUT.
Il-unjin esprimiet solidarjetà sħiħa mal-lettur u mal-membri tagħha fl-MCAST filwaqt li kkundannat l-aggressjoni.
Il-filmati, ovvjament, ħolqu diskussjoni fuq il-pjattoformi diġitali, bl-udjenza tagħhom jgħidu jew li l-istudent hu kiesaħ jew inkella li minkejja kollox l-għalliem qatt ma kellu jgħolli leħnu u jsabbat fuq il-mejda.
“Tajjeb li kulħadd ikun jaf x’kien il-kuntest kollu ta’ dan l-aġir,” l-MUT insistiet, qabel ma qasmet ir-rakkont tal-lettur.