Politika Kronaka Soċjali Intervisti Zekzik Poodle Għawdex Qrati u Pulizija

Żieda ta' 300 vjaġġ fuq numru ta' rotot madwar il-pajjiż

Il-Malta Public Transport tniedi s-servizz tas-sajf li se jfisser illi bosta rotot se jkunu estiżi, b'żieda qawwija.. 

Albert Gauci Cunningham / 8 ta' Ġunju 2018 18:30
B’effett mill-Ħadd 10 ta’ Ġunju, Malta Public Transport se tniedi s-Servizz tas-Sajf, b’karozzi tal-linja aktar frekwenti fuq rotot popolari u b’servizz ta’ trasport pubbliku estiż għall-bajjiet popolari.

Klijenti li għandhom Tallinja Card ser ikomplu jgawdu nollijiet orħos matul is-sena kollha, waqt li l-biljetti li jinxtraw bi flus kontanti minn fuq il-karozza tal-linja jiswew €2.00 matul is-sajf.

Ser ikun hemm karozzi tal-linja aktar frekwenti, b’madwar 300 vjaġġ aktar kuljum, fuq dawn ir-rotot:

Route 82 – Valletta – Birżebbuġia 

Route 212 - Sliema  - Buġibba

Route 221 - Ċirkewwa  –  Buġibba

Route 222 - Sliema  –  Ċirkewwa

Route 223 - Buġibba  –  Għajn Tuffieħa

Route 225 - Sliema – Għajn Tuffieħa

Route 310 - Ir-Rabat (Victoria) – Marsalforn

Route 311 - Ir-Rabat (Victoria) – Dwejra

Is-servizz tat-trasport pubbliku se jkun estiż għal dawn il-bajjiet popolari: L-Armier (Rotta 49), Wied iż-Żurrieq (Rotta 74), il-Ġnejna (Rotta 101) u Għar Lapsi (Rotta 109). Dawn ir-rotot kollha joperaw mit-Tnejn sal-Ħadd matul is-Sajf.

L-iskedi l-ġodda ser ikunu disponibbli fuq is-sit publictransport.com.mt. Minħabba dawn il-bidliet, il-‘Journey Planner’ fuq dan l–istess sit u fuq it-tallinja app ser ikunu temporanjament indisponibbli sakemm iseħħu l-bidliet meħtieġa. Fil-jiem li ġejjin, Malta Public Transport ser tkun qed taġġorna wkoll l-iskedi ta’ fuq il-bus stops madwar Malta u Għawdex

 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook