Ilejla jibdew l-funzjonijiet tal-Ġimgħa l-Kbira

Ilejla jibdew il-funzjonijiet relatati mal-Ġimgħa l-Kbira l-ġurnata li fiha l-Kattoliċi jfakkru fil-mewt ta' Ġesu Kristu. Bħalissa f'diversi parroċċi għaddejjin il-viżti quddiem is-sepulklu, altar fejn jinżamm Ġesu sagramentat hekk kif l-altar maġġur tal-knisja jitneżża minn kull forma ta' dekorazzjoni. Il-funzjonijiet jkomplu għada fit-tlieta ta' wara nofsinhar f'funzjoni li tfakkar il-mewt ta' Ġesu biex wara jibdew il-purċissjonijiet tal-Ġimgħa l-Kbira f'diversi parroċċi madwar il-pajjiż. 

Apparti l-funzjonijiet infushom diversi għaqdiet madwar Malta u Għawdex ittellgħu wirjiet u ċenakli li jfakkru l-aħħar mumenti ta' Ġesu qabel kien msallab f'Ġerusalem.