Hemm ċans li sa 80,000 immigrant li ma jikkwalifikawx għall-ażil jistgħu jiġu mkeċċija mill-Iżvezja. Dan skont il-Ministru tal-Affarijiet Interni Żvediż Anders Ygmen. Sostna wkoll li dan il-proċess mistenni jieħu diversi snin.
L-Iżvezja huwa l-aktar pajjiż li fih l-immigranti japplikaw għall-ażil per capita madwar l-Ewropa kollha - fejn fis-sena 2015 biss applikaw madwar 163,000 immigrant. Din hija figura li naqset sew wara li l-Iżvezja imponiet aktar kontrolli madwar il-fruntieri din is-sena.
L-Iżvezja, flimkien mal-Ġermanja huma l-aktar destinazzjonijiet li fihom jidħlu immigranti - kemm refuġjati kif ukoll immigranti oħra li jidħlu fl-Unjoni Ewropea b'mod illegali.