Il-kundanna ta’ żagħżugħ Ghanjan ta’ 24 sena għal serq li kienet iġorr magħha sentenza ta’ 30 xahar ħabs ġiet invalidata fl-appell, wara li l-qorti iddeċieiet li filmati tas-CCTV juru ċar li ma kienx l-istess persuna bħas-suspettat.
F’sentenza li ngħatat nhar it-Tlieta, l-Imħallef Consuelo Scerri Herrera, li tippresjedi l-Qorti tal-Appell Kriminali illiberat lil Ilajsu Seidu ta’ 24 sena mis-serq aggravat ta’ ġiżirana tad-deheb ta’ €2000 li kienet inħatfet minn madwar għonq ta’ anzjana 81 sena, li kienet miexja ma’ żewġha tul Triq il-Kungress Marjan, il-Marsa, f’Settembru tal-2022.
Il-vittma kienet qalet lill-pulizija li l-aggressur tagħha kien liebes baseball cap, maskra kirurġika, hoodie, u sweatpants li kollha kienu deskritti bħala ta' "kulur skur." Il-pulizija kienet analizzat filmati tas-CCTV mill-inħawi li wrew lill-ħati jiġri lejn Triq ix Xemxija, idur lejn Triq il-Jum, qabel jaqsam il-bypass tal-Marsa/Ħamrun fuq il-pont pedonali.
L-Ispettur Lydon Zammit, li kien qed imexxi l-prosekuzzjoni, kien xehed li s-suspettat imbagħad deher jibdel l-ilbies tiegħu u jdaħħal oġġett żgħir fil-but – maħsub li kienet il-ġiżirana – waqt li kien qed juża lift. Wara li qasam it-triq, is-suspettat jidher jiġri lejn xi stalel f’Ħal Qormi.
F’Novembru 2023, il-Qorti tal-Maġistrati kienet iddikjarat lil Seidu ħati ta’ serq aggravat bil-mezzi u kkundannatu sentejn u nofs ħabs.
Sussegwentement, l-avukati ta’ Seidu, Mario Mifsud u Nicholas Mifsud, kienu ppreżentaw appell f’isem ir-raġel, fejn argumentaw fost l-oħrajn, li l-prosekuzzjoni naqset milli tipproduċi xhieda kruċjali.
L-avukati qalu li “l-pulizija qagħdu biss fuq il-ħila tagħhom li jidentifikaw l-individwu li deher fuq il-filmati CCTV tal-Pont tal-Marsa”, u sostnew li lanqas biss qabdu l-inċident proprju.
Wara l-arrest tiegħu, Seidu stess kien qal ukoll lill-pulizija li ma kienx il-persuna li tidher fil-filmat.
Uffiċjali kienu staqsew lill-eks-tfajla ta’ Seidu. Hija kienet ikkonfermat li il-filmati li kienet rat tas-suspettat kienet Seidu, li wasslet lill-pulizija biex ifittxuh u jarrestawh. Iżda fuq il-pedana tax-xhieda, il-mara sostniet li dak iż-żmien kienet fi stat paranojde u li kienet ilha tpejjep il-crack cocaine għall-24 siegħa ta’ qabel.
Hija qalet lill-imħallef li ma kellha l-ebda tifkira tal-istampa, iżda li kienet qalet lill-pulizija li din kienet turi lill-imputat, iżda li fil-fatt, ma kienx minnu.
Is-Sinjura Imħallef Scerri Herrera osservat li l-evidenza tal-prosekuzzjoni kienet “skarsa ħafna” u li naqset milli tipproduċi r-raġel tal-vittma jew xi ħadd ieħor li l-mara qalet li kien qed jakkumpanjaha dak il-ħin. Il-vittma kienet xehdet li żewġ persuni kienu ppruvaw jiġru, innotat il-qorti, iżda ħadd minn dawk il-persuni ma kien mitlub jixhed jew jidentifika lill-aggressur.
L-imħallef ikkonkluda li “mill-eżami li sar mill-qorti stess jirriżulta li l-akkużat mhix il-persuna murija fl-istampa. Il-kulur tiegħu huwa inqas skur minn dak muri fuq ir-raġel fl-istampa. Ukoll, il-karatteristiċi tal-wiċċ tiegħu huma wkoll differenti. Il-qorti ma tistax tħossha serena meta tiddeċiedi li l-istampa hija ritratt tal-akkużat.”
L-Imħallef qalet li ma taqbilx mal-konklużjoni tal-Qorti tal-Maġistrat li l-pulizija “għamlet xogħol metikoluż f’dan il-każ,” “Fil-fatt il-qorti tħoss li l-prosekuzzjoni setgħet għamlet ħafna iktar fir-rigward tal-identifikazzjoni tal-akkużat. Barra minn hekk, ma jistax jifhem [għaliex], meta l-pulizija kellha f’idejha l-filmati kollha mniżżla mis-CCTVs fil-Marsa ftit wara l-inċident f’Settembru tal-2022, damu tant biex jinvestigaw u jieħdu d-dikjarazzjoni tal-akkużat.”
Kienet mistennija ferm aktar għaġla, qalet il-Qorti, meta qieset il-fatt li l-vittma kellha 81 sena. Il-vittma ma kellhiex għalfejn tistenna ħames xhur qabel tagħti rendikont tagħha tal-ġrajjiet. L-Imħallef irrimarka wkoll li għalkemm ir-raġel tal-mara kien issemma bħala preżenti fir-rapport tal-pulizija dwar l-inċident, huwa qatt ma kien imsejjaħ biex jixhed. “Iktar minn hekk il-vittma, fix-xhieda tagħha, tiċħad li kien ħdejha meta nsterqu,” żiedet l-imħallef, u ddeċidiet li ma kienx sikur u sodisfaċenti li jiġi konkluż li Seidu kien il-persuna li wettaq is-serqa u għalhekk, illiberawh. tal-ħlasijiet kollha.
L-avukati Mario Mifsud u Nicholas Mifsud assistew lill-appellant.
.jpeg)
