Bouncer ta’ 26 sena beka fil-Qorti wara li sema’ li se jinżamm arrestat

Bouncer ta’ 26 sena beka fil-Qorti wara li sema’ li se jinżamm arrestat wara li wieġeb mhux ħati li sawwat brutalment raġel f’Paceville waqt iċ-ċelebrazzjonijiet tal-Ewwel tas-Sena.

Ryan Zammit kien mixli nhar il-Ġimgħa, hekk kif il-Qorti semgħet li kien qed jaħdem bħala bouncer bla liċenzja. 

Il-Qorti semgħet li wara li bdew jiċċirkolaw filmati tas-swat fuq il-midja, il-pulizija bdiet tinvestiga l-inċident, u r-raġel ġie identifikat permezz tal-istess filmat. 

Zammit ġie arrestat il-Ġimgħa filgħodu ftit qabel tressaq il-Qorti.

Id-difiża ta’ Zammit talbet il-ħelsien mill-arrest, hekk kif il-prosekuzzjoni oġġezzjonat minħabba l-fatt li kien hemm xhieda li kellhom bżonn jixhdu fil-każ.

Il-Qorti ċaħdet it-talba għal libertà proviżorja, u Zammit inżamm arrestat.

Dan ġej jum wara li Riad Gragjevi, bouncer Albaniż ta’ 21 sena kien akkużat b’akkużi simili b’rabta mal-istess każ.