Raġel mill-Birgu talab lill-qrati biex ma jibgħatuhx il-ħabs wara li kien akkużat li refa’ idu fuq l-eks sieħba tiegħu u ta daqqiet ta’ ponn f’wiċċha u kisrilha imnieħirha
It-Tnejn, Tyson Bugeja ta’ 28 sena tressaq quddiem il-maġistrat Victor Axiak. Il-prosekuzzjoni, Chyntia Tomasuolo u l-Ispettur tal-Pulizija Colin Sheldon akkużaw lil Bugeja li kien kkawża ġrieħi gravi lil mara fis-16 ta’ Diċembru f’dar ġewwa Bormla. Kien akkużat ukoll li attakka, offenda jew hedded lil mara.
Bugeja kien akkużat ukoll li kien kiser tliet settijiet sparati ta’ pleġġ, kif ukoll sar reċediv. Huwa kien akkużat li fil-passat għamel ħsara lill-karozza tal-eks sieħba u anke serq b’arma tan-nar.
Bugeja kien assistit mill-avukat George Anton Buttigieg, u wieġeb mhux ħati għall-akkużi.
Sheldon spjega fil-qorti li s-Sibt, l-unit għall-Vjolenza Domestika kien infurmat li l-vittma kienet għamlet rapport mal-pulizija minn fuq is-sodda tal-isptar.
Il-vittma qalet lill-pulizija li l-eks sieħeb tagħha kien mar iħabbtilha fuq il-bieb. Allegatament, Bugeja saqsieha jekk kinitx qiegħda f’relazzjoni ma’ xi ħadd ieħor, u hi wieġbet li le. Huwa qalilha li kull kif isir jaf u taha daqqa’ ta’ ponn darbtejn f’wiċċha, kisrilha imnieħirha u ċempel għall-ambulanza.
Bugeja kien ġie arrestat aktar tard fir-residenza tiegħu wara li nħareġ warrant għall-arrest u ttieħed l-għassa tal-pulizija. Huwa wkoll ttieħed l-isptar wara li saħaq li għandu uġigħ f’sidru, u tressaq il-qorti wara li ħareġ mill-isptar.
Id-difiża talbet għall-ħelsien mill-arrest.
Tomasuolo oġġezzjonat għall-ħelsien tar-raġel, u qalet lill-qorti li r-rekord kriminali tiegħu kien xhieda tal-karattru tiegħu. Hija rrimarkat ukoll l-istadju bikri tal-proċeduri li fihom il-vittma kienet għadha ma xehdetx. Barra minn hekk, qalet, l-imputat kien ingħata diversi opportunitajiet mill-qrati li dejjem naqas milli jagħmel użu tajjeb minnhom.
L-akkużat ġie interrott mill-imputat, li lmenta b’uġigħ f’sidru, u f’liema ħin il-maġistrat ordna li tissejjaħ ambulanza. Iżda sekondi wara, l-imputat teatralment intefa’ fl-art tal-awla, u qal lill-pulizija li ma setax iqum. “Ma rridx immur il-ħabs... ma għamilt xejn. Għajjien li nqatta’ ħin il-ħabs għal xejn,” qal imbikkem.
Il-prosekuzzjoni qalet li Bugeja kien medikalment tajjeb li jattendi għas-seduta fil-qorti.
Il-qorti imponiet projbizzjoni tal-pubblikazzjoni fuq l-isem tal-vittma. Id-difiża talbet ukoll għall-projbizzjoni tal-pubblikazzjoni tal-isem tar-raġel, peress li l-koppja kellha tifel żgħir, li kien jgħix mal-omm.
Buttigieg spjega li l-imputat kien ilu fuq pleġġ u li qabel kienet inħarġet ordni ta’ protezzjoni favur il-vittma. Sussegwentement il-mara kienet tbiegħdet mill-indirizz speċifikat fuq l-ordni ta’ protezzjoni.
“Wara li l-mara xehdet u għamlet xi ħaġa kbira, hekk kif ħareġ mill-ħabs, marret id-dar tħabbat fuq il-bieb u għamlet xena,” qal l-avukat. "Dak li għamel ħażin kien li ma informax lill-pulizija, iżda minflok akkumpanjaha f'lukanda."
L-avukat saħaq li ma kien qed jipprova jiġġustifika xejn, iżda qal li l-vittma kienet fittxet lill-imputat u ħarġet mid-dar bl-iskuża ta’ bintha..”
Id-difiża allegat ukoll li l-ġrieħi ma kinux ikkawżati mill-imputat, u sostniet li għalkemm il-mara kienet għadha ma xehditx fil-qorti, ir-rakkont tagħha tal-ġrajjiet kien diġà ppreservat fl-istqarrija tagħha lill-pulizija.
Buttigieg qal lill-Qorti li l-valutazzjonijiet tar-riskju kienu utli biss sa ċertu punt, peress li l-allegata vittma biss titkellem qabel ma jitfassal assessjar.
“Jekk dan ir-raġel jitħalla joqgħod f’daru u jitħalla waħdu, jibqa’ hemm. Iżda l-parte civile marret quddiem il-bieb ta’ daru u qaltlu biex imur jara lil binthom,” ipprotesta l-avukat tiegħu.
Buttigieg sostna li l-klijent tiegħu għandu jitqies bħala wieħed ta’ min joqgħod fuqu, minkejja l-kondotta kriminali tiegħu, peress li kien qed jobdi l-kundizzjonijiet tal-libertà proviżorja meta l-mara stidintu.
Il-Qorti, wara li semgħet l-argumenti, iddeċidiet li ma kienx assigurat li l-imputat kien affidabbli biżżejjed biex jingħata l-ħelsien mill-arrest u ordnat li f’dan l-istadju jinżamm arrestat, hekk kif ir-raġel reġa’ beda jibki.
Il-maġistrat irrakkomanda li l-awtoritajiet tal-ħabs jivvalutaw jekk l-akkużat kienx jeħtieġ xi trattament jew arranġamenti ta’ akkomodazzjoni.
.jpeg)
