Ġie arrestat raġel ta’ 40 sena mis-Serbja wara li allagatament seraq minn diversi residenzi fis-Sannat.
Wara numru ta’ rapporti fl-aħħar ġimgħat b’rabta ma’ tliet serqiet minn residenzi, il-Pulizija bdiet l-investigazzjonijiet tagħha.
Ftit ġranet wara ġie identifikat l-allegat ħalliel u kien arrestat minn residenza fis-Sannat stess.
F'dawn il-każijiet insterqu affarijiet personali, flus kontanti, ġojjellerija, kif ukoll xi apparat eletroniku.
Fi tfittxijiet li saru fl-istess residenza, instabu xi oġġetti li kienu nsterqu.
Ir-raġel mistenni jitressaq taħt arrest fil-Qorti t’Għawdex, it-Tnejn għall-ħabta tas-sitta ta’ filgħaxija quddiem il-Maġistrat tal-Għassa Brigitte Sultana.
