Passiġġier li wara l-wasla tiegħu f'Malta minn Sqallija nstab li kien fil-pussess ta' droga kannabis illum ġie mmultat €850.
Tfittix għall-għarrieda mill-Pulizija wassal għall-arrest ta' raġel ta' 41 sena minn Siracusa fi Sqallija. Hu deher quddiem il-Maġistrat Donatella Frendo Dimech akkużat li importa 7g Kannabis u b'pussess ta' d-droga kannabis.
Huwa wieġeb ħati għall-akkużi miġjuba kontrih u fis-sentenza tagħha il-Qorti imponiet il-multa ta' €850, li kellha titħallas immedjatament.
L-Avukat Joseph Bonnici kien avukat tad-difiża filwaqt li l-Ispettur Jeffrey Scicluna mexxa l-prosekuzzjoni.
