Il-Prim Ministru Robert Abela ħabbar li għal dan ix-xahar mhux se jieħu l-paga u minflok se jkun qed joffriha biex jiġi ffinanzjat il-pakkett ta’ miżuri
Fi kliem Abela, jekk ikun hemm min isegwi l-eżempju tiegħu, din l-inizjattiva żgħira, tkun qed tagħmel differenza.
Abela ħeġġeġ ħaddiema oħra taċ-ċivil li jistgħu, biex jagħmlu bħalu biex ikun iggarantit il-ħlas ta' dawk l-impjegati li spiċċaw, ħabta u sabta, jew bla xogħol jew li xogħolhom huwa mdendel.
Intant wara l-Prim Ministru, anke l-Ministru tal-Ekonomija Silvio Schembri u l-Ministru għat-Turiżmu, Julia Farrugia Portelli, ħabbret illi bħala dover se jsegwi lill-Abela u ma jiħux paga ta' xahar.
"Hekk se nkun qed nagħmel jien ukoll. Inħeġġeġ lil min jista’ sabiex flimkien nagħmlu l-istess fl-interess ta’ dawk kollha li għaddejin minn żmien diffiċli."