F'filmat pjuttost imqanqal il-President tal-General Retailers and Traders Union (GRTU) Paul Abela qal li għall-ħaddiema l-miżuri li ħabbar il-Gvern nhar is-Sibt ma jiswew xejn u jwissi li sa xahrejn oħra - jekk il-Gvern skontu, jibqa' ma jagħmel xejn l-ħaddiem se jitlef xogħlu.
"Tliet kwarti tal-miżuri li ħabbar il-Gvern ma jiswew xejn," qal Abela filwaqt li sostna li l-ħaddiem se jitlef xogħolu.
Kompla jgħid illi l-GRTU ma kinitx ikkonsultata u sostna li l-Gvern irid jieħu miżuri li bis-serjetà jipproteġu lill-ħaddiem, "mhux hu ma ħariġx ċenteżmu wieħed," qal b'referenza għall-avviż legali dwar ħlas ta' leave tal-kwarantina.
"Għandu €600 miljun minn tal-passaporti ... jekk ma jieħux azzjoni l-ekonomija se tikkollassa u jkun kollu tort tiegħek Prim Ministru. Dawn il-miżuri m'huma se jwasslu imkien."