Jitħabbar il-kabinett il-ġdid; Chris Cardona, Joe Mizzi u Anthony Agius Decelis jibqgħu bla portafoll

Il-Prim Ministru Robert Abela ħabbar il-kabinett il-ġdid li se jkun qed jieħu l-ġurament illum fit-3:30pm.

Il-kabinett se jkun magħmul minn 17-il ministru u tmien Segretarji Parlamentari.

Mill-kabinett l-antik, baqgħu barra Chris Cardona, Joe Mizzi u Anthony Agius Decelis. 

Dawn huma l-ismijiet tal-Ministri l-ġodda:

• Chris Fearne: Deputat Prim Ministru u Ministru għas-Saħħa​
• Evarist Bartolo: Ministru għall-Affarijiet Barranin u Ewropej
• Edward Scicluna: Ministru għall-Finanzi u s-Servizzi Finanzjarji
• Michael Farrugia: Ministru għall-Enerġija u l-Immaniġġjar tal-Ilma
• Owen Bonnici: Ministru għall-Edukazzjoni u x-Xogħol
• José Herrera: Ministru għall-Wirt Nazzjonali, l-Arti u l-Gvern Lokali
• Carmelo Abela: Ministru fl-Uffiċċju tal-Prim Ministru (responsabbli mill-iżvilupp sostenibbli, djalogu soċjali u implimentazzjoni tal-manifest elettorali)
• Ian Borg: Ministru għat-Trasport, l-Infrastruttura u l-Proġetti Kapitali
• Justyne Caruana: Ministru għal Għawdex
• Michael Falzon: Ministru għall-Familja, Drittijiet tat-Tfal u Solidarjetà Soċjali
• Edward Zammit Lewis: Ministru għall-Ġustizzja, l-Ugwaljanza u l-Governanza
• Roderick Galdes: Ministru għall-Akkomodazzjoni Soċjali
• Silvio Schembri: Ministru għall-Ekonomija, Investiment u Negozji Żgħar
• Julia Farrugia Portelli: Ministru għat-Turiżmu
• Aaron Farrugia: Ministru għall-Ambjent, it-Tibdil fil-Klima u l-Ippjanar
• Clint Camilleri: Ministru għall-Politika Agrarja u Sajd, Drittijiet tal-Annimali u Protezzjoni tal-Konsumatur 
• Byron Camilleri: Ministru għall-Intern, is-Sigurtà Nazzjonali u l-Infurzar tal-Liġi

Dawn huma s-Segretarji Parlamentari fil-Kabinett il-ġdid:

• Stefan Zrinzo Azzopardi: Segretarju Parlamentari għall-Fondi Ewropej fi ħdan il-Ministeru għall-Affarijiet Barranin u Ewropej
• Clayton Bartolo: Segretarju Parlamentari għas-Servizzi Finanzjarji u l-Ekonomija Diġitali fi ħdan il-Ministeru għall-Finanzi u s-Servizzi Finanzjarji
• Clifton Grima: Segretarju Parlamentari għaż-Żgħażagħ, l-Isport u l-Volontarjat fi ħdan il-Ministeru għall-Edukazzjoni u x-Xogħol
• Chris Agius: Segretarju Parlamentari għall-Artijiet u l-Kostruzzjoni fi ħdan il-Ministeru għat-Trasport, l-Infrastruttura u l-Proġett Kapitali
• Silvio Parnis: Segretarju Parlamentari għall-Anzjanità Attiva u l-Persuni b’Diżabilità fi ħdan il-Ministeru għall-Familja, Drittijiet tat-Tfal u Solidarjetà Soċjali
• Rosianne Cutajar: Segretarju Parlamentari għall-Ugwaljanza u r-Riformi fi ħdan il-Ministeru għall-Ġustizzja, l-Ugwaljanza u l-Governanza
• Deo Debattista: Segretarju Parlamentari għall-Protezzjoni tal-Konsumatur u l-Indafa Pubblika fi ħdan il-Ministeru għall-Politika Agrarja u Sajd, Drittijiet tal-Annimali u Protezzjoni tal-Konsumatur
• Alex Muscat: Segretarju Parlamentari għaċ-Ċittadinanza u l-Komunitajiet fi ħdan il-Ministeru għall-Intern, is-Sigurtà Nazzjonali u l-Infurzar tal-Liġi

X'bidliet jirrifletti dan il-kabinett?

Filwaqt li żamm diversi ministeri, il-Prim Ministru Robert Abela tella' fuq livell ministerjali l-akkomodazzjoni soċjali, il-wirt nazzjonali, il-protezzjoni tal-konsumatur u d-drittijiet tal-annimali.

Il-Ġustizzja u l-Governanza kif ukoll l-Ambjent u l-Ippjanar ġew ikkonsolidati f’ministeru wieħed filwaqt li l-Infurzar tal-Liġi ngħata responsabbiltà ministerjali flimkien mal-Intern u s-Sigurtà Nazzjonali. 

L-oqsma Ewropej u barranin ingħaqdu f’dekasteru wieħed sabiex pajjiżna jimplimenta b’mod iktar effettiv il-ħidma tiegħu barra minn Malta.