Politika Kronaka Soċjali Intervisti Zekzik Poodle Għawdex Qrati u Pulizija

CABS lil Clint: 'Responsabbli tal-fjask...għalaq l-istaġun tal-insib jew irreżenja'

Jgħidu li l-Gvern iddeċieda li ma jagħmel xejn biex ma jħallix il-qtil tal-għasafar, li skonthom għaddej bħalissa

Albert Gauci Cunningham / 13 ta' Novembru 2018 11:49
Is-Segretarju Parlamentari Clint Camilleri
Il-Kumitat kontra l-Qtil tal-Għasafar (CABS) qal illi minn investigazzjoni li għamel f'pajjiżna bejn l-20 ta' Ottubru u s-7 ta' Novembru kienu rrappurtati total ta' 65 każ ta' insib illegali li jinvolvi 78 individwu. 

"Dawn huma biss ftit każi li nistgħu nesponu aħna, imma meta wieħed iqis il-figura mhux uffiċjali nistgħu nassumu li mijiet ta' persuni kienu nvoluti f'insib kriminali," sostniet CABS. 

CABS ikkritikaw ukoll nuqqas ta' uffiċjali tal-infurzar biex iżommu iddokumentat kull każ ta' insib illegali. Qalu wkoll kif ħafna drabi n-nassaba kienu qed jgħattu wiċċhom biex ma jintgħarfux mill-pulizija.

Il-CABS akkużaw lill-Prim Ministru Joseph Muscat u s-Segretarju Parlamentari Clint Camilleri b'kompliċità man-nassaba li qed jiksru l-liġi. 

"Il-Gvern kien jaf li n-nassaba se jużaw ir-regolazzjonijiet ġodda b'mod ħażin u b'mod illi jaħbu operazzojnijiet illegali, imma ddeċieda li ma jagħmel xejn biex iwaqqaf il-qtil li għaddej bħalissa. Bħala l-persuna responsabbli għal dan il-fjask, qed nitolbu lil Clint Camilleri biex jew jagħlaq l-istaġun tal-insib jew jirreżenja," sostiet il-CABS.

 

Albert Gauci Cunningham, 32 sena, ġie appuntat Editur tal-gazzetta Illum u tas-sit illum.com.mt f'Ġunju tal-2015. Gauci Cunningham kien ġurnalista mal-Union Print. Gauci Cunningham jispeċjalizza l-aktar fi stejjer analitiċi-politiċi u anke soċjali li l-gazzetta ILLUM issa saret iktar popolari għalihom, kif ukoll fi stejjer relatati ma' politika nazzjonali u internazzjonali. Gauci Cunningham irraporta minn diversi Istituzzjonijiet Ewropej. Għall-qalb Gauci Cunningham hemm kwistjonijiet soċjali, fosthom il-faqar, il-kirjiet u l-ġustizzja soċjali.
Stħarriġ
Segwina fuq Facebook