Aktar kmieni illum, għall-ħabta tad-8:45 a.m. il-Pulizija ġiet infurmata li seħħ inċident tat-traffiku fi Triq Birżebbuġa, Birżebbuġa.
Il-Pulizija marret minnufih fuq il-post u minn stħarriġ preliminari rriżulta li mara ta' 72 sena, intlaqtet minn Isuzu ELF misjuq minn raġel ta' 22 sena minn Ħal Għaxaq.
Fuq il-post issejjaħ tim mediku u ambulanza ħadet il-vittma l-Isptar Mater Dei biex tingħata l-kura meħtieġa. Aktar tard, ġie iċċertifikat li qed issofri minn ġrieħi ta' natura gravi.
L-investigazzjonijiet tal-Pulizija għadhom għaddejin.
