Politika Kronaka Soċjali Intervisti Zekzik Poodle Għawdex Qrati u Pulizija Kummerċjali

Ħarġu l-Offerti għall-istudju fuq il-mina bejn Malta u Għawdex

Franco Mercieca li kien il-persuna li ħolom bl-ideja jkun l-ewwel wieħed li joħroġ dan il-fatt fil-beraħ

John Busuttil / 21 ta' Settembru 2016 10:22
Il-bieraħ filgħaxija fuq is-sit tal-facebook tad-deputat Franco Mercieca ħarġet ritratt ta' formola tal-offerti biex isiru studji ġeotekniċi li hemm bżonn biex jiġi disinjat u eventwalment mibnija mina taħt qiegħ il-baħar bejn Malta u Għawdex. Fl-aħħar konferenza li kien hemm f'Għawdex fuq il-mina il-Prim Ministru kien wiegħed li l-istudju se jibdew f'Settembru. Fil-fatt għadhom ma nbdewx iżda ħarġu t-tenders biex jibdew u dan hu fattur pożittiv. Franco Mercieca hu l-persuna li kien hu li ħareġ bl-ideja tal-mina u issa kien hu li ħareġ fil-beraħ li ħarġu l-offerti. Jekk il-mina ssir żgur li Frtanco Mercieca jibqa mgħaruf bħala l-pijunier ta' dan il-proġett enormi anke jekk warajh wara kien hemm bħad-deputat parlamentari Chris Said li wkoll emmen li l-mina għandha tkun il-'way forward' għal gżira Għawdxija'. Għalkemm dan kollu ma jfissirx li l-proġett se jibda, iżda biss li se nibdew nistudjaw...l-eżami baqgħalu biex isir!

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook