Politika Kronaka Soċjali Intervisti Zekzik Poodle Għawdex Qrati u Pulizija

Xewkija Tigers u Kerċem Ajax japplikaw biex jilagħbu Malta

Tnejn mill-aqwa clubs f'Għawdex iridu jieħdu sehem fil-kampjonat Malti tat-Tielet Diviżjoni

John Busuttil / 31 ta' Mejju 2016 18:00
Il-Club ta' Xewkija Tigers li din is-sena tilef it-tielet Kampjonat konsekuttiv f'partita decider kontra Għajnsielem, u Kerċem Ajax li wkoll issieltu biex jirbħu l-Kampjonat iddeċidew li japplikaw biex flok jilagħbu fil-Kampjonat Għawdxi jibdew jieħdu sehem fil-kampjonat Malti fejn jibdew fit-Tielet Diviżjoni. Minn sorsi viċin Kerċem qalulna li dawn jixtiequ jilagħbu f'Malta u ma jieħdux sehem fil-Kampjonat Għawdxi, filwaqt li Xewkija qed jaħsbuha li jkollhom żewġ teams, wieħed jilgħab f'Malta u jkomplu jieħdu sehem fil-Kampjonat Għawdxi. Il-Kampjonat Għawdxi qed jiswa eluf ta' ewro lil clubs li jissieltu biex jirbħu l-Kampjonat u skont dawn il-clubs Għawdex mhu qed joffrilhom xejn u jekk jilagħbu Malta jkunu jistgħu jibnu teams li anke jitilgħu f'diviżjoni superjuri. Club ieħor li fl-aħħar snin kien dejjem isemmi li jixtieq jilgħab fil-Kampjonat malti hu Nadur li din is-sena reġa rebaħ il-promozzjoni għall-ewwel Diviżjoni. Il-fatt li applikaw biex jilagġbu f'Malta ma jfissirx li l-MFA se tilqa t-talba tagħhom għax dan jista jaffettwa mhux ftit il-Kampjonat Għawdxi jekk l-aħjar elementi tagħhom jitilqu minn Għawdex.

 

John Busuttil attenda is-Seminarju tal-Arċisqof fil-livell sekondarju. Fl-1978 attenda għal kors tal-Method Study organizzat mill-Malta Institute of Management u ġie ċċertifikat fil-Method Time Study. Fl-1987 attenda b’suċċess għal kors fil-Middle Management organizzat mid-dipartiment tal-Management studies fl-Universita ta’ Malta. Għal erba snin sħaħ, 1994, 2000, 2001 u 2004 kien finalist tal-ġurnalist tas-sena fil-BPC awards u fl-2004 ingħata dan l-unur għal 'significant contribution to Professional Journalism' Producer & Presenter ta' diversi programmi fuq NET TV, SMASH TV, PBS u ONE TV. Ipproduċa u ppreżenta programmi radjufoniċi dwar Vjaġġar u Sport u pparteċipa f'diversi programmi televiżivi u radjufoniċi dwar suġġetti varjati. Għal 43 sena ħadem mal-Media Link. U bħalissa jaħdem mal-MediaToday.
Stħarriġ
Segwina fuq Facebook