L-Union tal-Għalliema (MUT) qed tappella għal strajk ta’ ġurnata waħda wara li fallew it-taħditiet dwar ftehim kollettiv ġdid għall-edukaturi.
It-taħditiet ilhom għaddejjin għal disa' xhur, MUT stqarret li din il-wegħda ġiet ripetuta kemm-il darba u l-gvern wera li "ma kienx lest jagħti ż-żidiet sostanzjali lill-edukaturi."
F’konferenza tal-aħbarijiet nhar il-Ġimgħa, il-President tal-MUT Marco Bonnici spjega li l-gvern ressaq żewġ proposti dwar pakkett finanzjarju ġdid għall-għalliema fl-iskejjel tal-Istat u tal-knisja u ġew irrifjutati immedjatament.
Bonnici qal li l-proposti ma wrew l-ebda rispett lejn l-edukaturi, u li mal-ewwel qalu lill-gvern li ma nistgħu mmorru imkien b'dawn it-tip ta' proposti.
Il-union se tkun qed toħroġ sett ta’ direttivi, mit-Tnejn 13 ta’ Novembru. Fost id-direttivi hemm sejħa għal strajk ta’ ġurnata waħda fis-27 ta’ Novembru fl-iskejjel kollha tal-Istat u tal-knisja.
Bonnici sostna li issa huwa ż-żmien li bħala għaqda u bħala membri isemmgħu leħinnhom u jiksbu dak li jixirqilhom l-edukaturi.
