Kull ħaddiem tal-Gvern li jista' jaħdem mid-dar u jitlob li jagħmel dan għandu jitħalla

Is-Segretarju Permanenti Ewlieni Mario Cutajar f'komunikat li ntbagħat lill-ħaddiema kollha tal-Gvern sostna illi t-talbiet għal teleworking għandhom jiġu aċċettati u għandu jinstab l-aħjar mod kif persuna taħdem b'dan il-mod,mid-dar tagħha. 

Din id-direttiva hija applikabbli għas-settur pubbliku kollu; kemm is-servizz pubbliku kif ukoll l-entitajiet pubbliċi. Din id-direttiva tibqa fis-seħħ sal-aħħar ta’ April 2020 jekk ma joħroġx avviż ieħor qabel dik id-data u tista tiġi mġedda għal perjodu ieħor skont il-ħtieġa.