Aktar minn 300 akkademiku jisħqu lil Joseph Muscat biex jirriżenja immedjatament

Aktar minn 300 akkademiku tal-Università ta' Malta ħarġu stqarrija qasira u dritt għall-punt u li fiha talbu lil Joseph Muscat biex jirriżenja immedjatament.

Huma saħqu li ilhom isegwu l-iżviluppi u kkonkludew li “dawk afdati fl-ogħla strutturi tal-poter ittradew b’mod mill-aktar goff il-fiduċja taċ-ċittadini Maltin u tal-komunità internazzjonali”

Kien għalhekk li appellaw biex Joseph Muscat jirreżenja jew jitneħħa immedjatament

“Dan sabiex l-investigazzjonijiet ikunu jistgħu jimxu bla ebda xkiel mill-Uffiċċju tal-Prim Ministru,” saħqu l-akkademiċi.