Il-prezz tal-ikel jibqa' jogħla u jogħla skont ċifri tal-NSO

Ċifri li għadhom kif ħarġu mill-Uffiċċju Nazzjonali tal-Istatistika juru illi matul ix-xhur li għaddew il-prezz tal-ikel baqa' jogħla u jogħla bil-konsegwenza li huwa l-akbar fattur fl-inflazzjoni globali li jesperjenza pajjżina. 

L-NSO juri kif il-indiċi tal-ikel, li għal fini ta' din l-istatistika tinkludi wkoll prezzijiet fir-restoranti u takeaways, żdied minn 101.60 f'Jannar tas-sena l-oħra sa 106.18 f'Jannar ta' din is-sena. 

Il-prezz tal-ikel fil-fatt jibqa' l-akbar kontributur għall-inflazzjoni f'pajjiżna. 

Żieda oħra kostanti kienet fil-qasam tal-akkomodazzjoni (housing).

L-akbar tliet fatturi li qed iwasslu għall-għoli tal-ħajja allura huma l-ikel, it-trasport u komunikazzjoni kif ukoll l-housing.